Njerëzimi në rrezik: Vetëm edhe pesë miliardë vjet jetë

Njerëzimi është i rrezikuar nga një sërë faktorësh. Ndër to, e ndoshta më i madhi është shuarja e yllit më të afërt – diellit.

Profesori dhe fizikani, Shukri Klinaku, ka deklaruar se shpërthimi i diellit është i sigurt të ndodhë, pas rreth pesë miliardë vjetësh. Sipas tij, ‘shuarja’ e diellit do ta mbysë edhe njerëzimin.

Klinaku tha në një intervistë ekskluzive për Telegrafin se dielli do të eksplodojë, e kjo do t’i zgjerojë flakët aq sa ta përfshijë tërë tokën.

“Një dihet me saktësi që ylli më i afërt yni që na jep edhe jetën, e që është dielli, sikurse të gjithë yjet e tjerë që nuk janë të përjetshëm. Kështu që pas rreth pesë miliardë vjetësh ylli ynë do të eksplodojë dhe me rastin e atij eksplodimi do të zgjerohen flakët shumë dhe do ta përbijnë edhe Tokën”, ka thënë ai.